Алматы қаласы Спорт басқармасының «Ұлттық және ат спорты түрлері спорт клубы» МКҚК туралы ақпарат
Алматы қаласы әкімдігінің 2024 жылғы 17 сәуірдегі №2/255 қаулысына сәйкес, «Ұлттық және ат спорты түрлері спорт клубы» мемлекеттік коммуналдық қазыналық кәсіпорны құрылды. Кәсіпорын 2024 жылғы 3 маусымнан бастап өз қызметін бастады.
Клубтың негізгі міндеттері:
- Алматы қаласында ұлттық спорт түрлерін дамыту, сондай-ақ Алматы қаласы мен Қазақстан Республикасының құрама командаларына қосыла алатын жоғары білікті спортшыларды іріктеу және даярлау;
- Ұлттық спорт түрлері бойынша оқу орындары мен өзге де ұйымдарға әдістемелік және спорттық-бұқаралық жұмыстарды ұйымдастыруда көмек көрсету;
- Қатысушылар арасында денсаулықты нығайтуға және жан-жақты физикалық дамуға бағытталған сауықтыру және тәрбиелік жұмыстарды ұлттық спорт түрлері арқылы жүргізу.
Клубтың негізгі мақсаттары:
- Ұлттық спорт түрлерін халықаралық деңгейде дамыту;
- Ұлттық спорт түрлерін халық арасында кеңінен насихаттау;
- Ұлттық спорт арқылы халықтар арасындағы достық пен мәдени байланысты нығайту;
- Қатысушыларды дене шынықтыру және ұлттық спорт түрлерімен жүйелі түрде айналысуға тарту.
Клубта дамытылатын спорт түрлері:
Клубта 9 ұлттық спорт түрі: тоғызқұмалақ, асық ату, қазақ күресі, жекпе-жек, көкпар, теңге ілу, жамбы ату, аударыспақ, құсбегілік, сондай-ақ 1 олимпиадалық спорт түрі — ат спорты дамытылуда.
Үздік спортшылар мен жетістіктері:
- Жанатаев Ерасыл — қазақ күресінен Қазақстан Республикасының спорт шебері, V Дүниежүзілік көшпенділер ойындарының қола жүлдегері, ересектер арасындағы ҚР чемпионатының күміс жүлдегері, «Дала Қырандары» рейтингтік турнирінің жеңімпазы, Қ. Мұнайтпасов атындағы Әлем кубогының жеңімпазы.
- Еркінұлы Жігер — қазақ күресінен ҚР спорт шеберлігіне кандидат, Қ. Мұнайтпасов атындағы Әлем кубогының күміс жүлдегері.
- Айтбаев Рахат — тоғызқұмалақтан халықаралық дәрежедегі спорт шебері, Әлем кубогының (блиц) күміс жүлдегері, ҚР чемпионы, Азия кубогының қола жүлдегері.
- Дакен Елдар — тоғызқұмалақтан ҚР спорт шебері, жастар арасында Әлем кубогының (рапид) жеңімпазы және (блиц) күміс жүлдегері, Азия кубогының (блиц) жеңімпазы, ҚР чемпионы.
- Жанабилов Ердәулет — тоғызқұмалақтан ҚР спорт шебері, Азия кубогының (блиц) қола жүлдегері, ҚР чемпионы.
